Caprive e je un piçul comun (cirche 1700 abitants) dal Cuei che si poie su lis rivis dal torint Viarse (te forme locâl Viarsa); il so toponim al podarès rivâ dal latin (caput ripae) o dal sloven (kopriva, urtie) stant ae sô posizion gjeografiche.
De Cente di Caprive, ven a stâi de struture di difese fate di un insiemi circolâr di edificis che si dan dongje ator de glesie, si à notizie intun document dal 1521, ancje se lis origjins dal piçul centri a son plui antighis. Tancj a son i reperts archeologjics che a testemonein i insedaments antîcs e lis produzions di epoche romane, comprendude chê dai vins blancs. Caprive e faseve part dal Patriarcjât di Aquilee, che al è stât daspò sostituît dal domini venezian. Intal secul XVI, Caprive e devente part dai teritoris dai Asburc, e dentri di chei e reste fintremai ae fin de prime vuere mondiâl, par dopo passâ al Ream di Italie.
Cui che i plâs la storie e lis sôs testemoneancis, a Caprive al pues visitâ la glesie de Santissime Trinitât – une glesie picinine dal secul XVI, là che si cjate un altâr di valôr dal Sietcent -, une glesie parochiâl cun cualchi opare pitoriche interessante dal secul passât e doi cjistiei dal Votcent.
Tal dulintor de citadine, tra lis curvis sinuosis dal Cuei, si viôt il Cjistiel di Spesse, che al va indaûr di cualchi secul, e che al è cognossût par vê dât acet a Giacomo Casanova intal 1773. Intal Votcent, il cjistiel al è stât tornât a fâ sù dal dut, in stîl ecletic daûr dal progjet dal architet triestin Berlam. Simpri dongje di chest cjistiel maraveôs, inte localitât di Russiz Disot, e domine “Vile Russiz”, une altre residence di flabe, che il so aspiet al fâs pensâ al Cjistiel di Miramar e di dulà che si puedin amirâ i vignâi che a fasin cognossi pardut cheste localitât pe produzion di vins di alte cualitât.
La citadine, in graciis dal comun e de Proloco, e je une vore vivarose e e organize tancj events e ativitâts che a clamin dongje i turiscj di dutis lis bandis dal mont. Cun regolaritât, il paîs al ospite ancje une part dal Festival Mondiâl dal Folclôr dai Zovins, une iniziative itinerante par dut il F-VJ, che e je rivade aromai ae edizion numar vincj. Al è cetant cognossût a Caprive ancje il so grup folcloristic “Michele Grion”, che chest an al celebre i novante agns di ativitât.
A Caprive si fevele la lenghe furlane cu la variante gurizane. Il toponim al è Caprive tal furlan standard e Capriva inte variante locâl.
Capriva del Friuli è un piccolo comune (circa 1700 abitanti) del Collio goriziano adagiato sulle rive del torrente Versa, il cui toponimo potrebbe derivare dal latino (caput ripae) o dallo sloveno (kopriva – ortica), vista la sua posizione geografica.
Della Centa di Capriva, ovvero del complesso difensivo costituito da un insieme circolare di edifici stretti intorno alla chiesa, si ha notizia in un documento del 1521, ma le origini del piccolo centro sono molto antiche. Vari sono i reperti archeologici che testimoniano di antichi insediamenti e produzioni di epoca romana, inclusa quella dei vini bianchi. Capriva fece parte del Patriarcato di Aquileia, al quale seguì il dominio veneziano. Nel sedicesimo secolo Capriva entrò a far parte dei territori degli Asburgo a cui appartenne fino alla fine della prima guerra mondiale e successivamente passò all’Italia.
Per chi ama la storia e le sue testimonianze, Capriva offre la chiesa della Santissima Trinità, una piccola chiesa del XVI secolo che custodisce un pregevole altare settecentesco, una chiesa parrocchiale con alcune interessanti opere pittoriche del secolo scorso e due castelli dell’800.
Ai margini della cittadina, tra le sinuose colline del Collio, sorge il Castello di Spessa, risalente a qualche secolo fa, noto per aver ospitato Giacomo Casanova nel 1773. Nell’Ottocento, il castello venne completamente rifatto in stile eclettico secondo il progetto dell’architetto triestino Berlam.
Sempre nelle vicinanze di questo meraviglioso castello, nella località di Russiz Inferiore, domina “Villa Russiz”, un’altra residenza fiabesca, il cui aspetto ricorda il castello di Miramare e da dove si possono ammirare vigneti che rendono conosciuta questa località per la produzione di vini d’alta qualità.
La cittadina, grazie al comune e alla Proloco è molto attiva e organizza diversi eventi e attività che richiamano i turisti da tutte le parti del mondo. Regolarmente infatti la città ospita anche una parte del Festival Mondiale del Folclore Giovanile, iniziativa itinerante in tutta la regione del FVG ,che è giunta ormai alla sua 20° edizione. Noto a Capriva anche il suo gruppo folkloristico “Michele Grion” che quest’anno festeggia novant’anni della sua attività.
A Capriva si parla la lingua friulana con la variante goriziana. Il toponimo è Caprive in friulano standard e Capriva nella variante locale.